来嗄？”莲生：“夜末就住来哚朋友搭哉（宛）。”小红：“耐个朋友倒开仔堂哉！”莲生不禁笑了。小红也笑：“阿珠，耐哚听听俚闲话！我前日仔教阿金大到耐公馆里来看耐，说轿末来哚，人是去哉。耐两只脚倒燥来哚（宛），一直走到仔城里。阿是坐仔车打城狼去个嗄？”阿珠呵呵笑：“王老爷难也有勿老实哉！陆里去想得来好主意，说来保城里。”小红：“瞒倒瞒得哚，连朋友哚寻仔好几埭也寻勿着。”阿珠：“王老爷，耐也老相好哉，耐就说仔要去啥人也无啥（宛），阿怕倪先生勿许耐嗄？”小红：“耐去啥人也匆关倪事。耐定规要瞒仔倪了去，倒好像是倪吃醋，勿许耐去，阿要气煞人！”

莲生见他们一递一句，不下嘴去，只看着讪笑。及至阿珠事毕下楼，莲生方向小红说：“耐（要勿）去听啥别人个闲话。我搭耐也三四年哉。我个脾气，耐阿有啥勿晓得？我就是要去啥人末，搭耐说明白仔再末哉（宛），瞒耐啥？”小红：“我也匆晓得耐（宛）。耐自家去想想看：耐一直下来，东去叫个局，西去叫个局，我阿曾说歇啥一句闲话嗄？耐第歇倒要瞒我哉，故末为啥呢？”莲生：“我是无价事，勿是要瞒耐。”小红：“我到猜着耐个意思来里：耐也勿是要瞒我，耐是有心来哚要槽哉，阿是？我倒要看耐看！”

莲生一听，沉下脸，别转，冷笑：“我不过三日天勿曾来，耐就说是槽。从前我搭耐说个闲话，阿是耐忘记脱哉？”小红：“正要耐说（宛）。耐勿忘记末，耐说囗，三日天来哚陆里？个啥人？耐说来，我匆搭耐吵末哉。”莲生：“耐教我说啥囗？我说来里城里，耐勿信。”小红：“耐倒还要拨当我上，我打听仔了再问耐。”莲生：“故末蛮好。第歇耐来哚气狼，搭耐也无去说；隔两日等耐快活仔，我再搭耐说个明白末哉。”

小红鼻里哼了一声，半日不言语。莲生央告：“倪去吃筒烟去囗。”小红仍拉着手，同至榻床前。莲生脱去褂，躺下烟。小红却呆呆的坐在下手。莲生要想些闲话来说，又没甚说的。

忽听得楼梯上一阵脚声，跑房来，却是大阿金大。一见莲生，说：“王老爷，我末到耐公馆里请耐，耐倒先来里哉。”又：“王老爷为啥几日匆来，阿是动气哉？”莲生不答。小红嗔：“动啥气嗄！打两记耳光哉囗，动气！”阿金大：“王老爷，耐匆来仔末，倪先生气得来，害倪一埭一埭来请耐。难（要勿）实概，阿晓得！”说着，移过一碗茶来，放在烟盘里，随把褂去挂在衣架上，要去。

莲生见小红呆呆的，乃说：“倪去心来吃，阿好？”小红：“耐要吃啥，说末哉。”莲生：“耐也吃，倪一淘吃；耐（要勿）吃末，也（要勿）去哉。”小红：“价末耐说囗。”莲生想小红喜吃的是虾仁炒面，即说了。小红叫住阿金大，叫他喊下去，到聚丰园去叫。须臾送来，莲生要小红同吃。小红攒眉：“勿晓得为啥，民酸得来，吃勿落。”莲生：“价末多少吃。”小红没法，用小碟检几来吃了，放下。莲生也吃不多几筷，即叫收下去。

阿珠绞手巾来，回说：“耐家打轿来里。”莲生问：“阿有啥事？”阿珠望楼窗叫：“来二爷。”来安听唤，立即上楼见莲生，呈上一封请帖。莲生开看，是葛仲英当晚请至吴雪香家吃酒的，随手撩下。来安仍退下去了。